الاثنين، 22 أغسطس 2016

عمرو جابر : فاتورة الكهربا غاليه عليك مش قادر تدفعها !!

 عمرو جابر : فاتورة الكهربا غاليه عليك مش قادر تدفعها !!
بيع ابنك يا اخى عشان خاطر مصر فيه ست باعت ابنها الرضيع بمبلغ 180 الف جنيه كاش شوف بقى المبلغ ده يسددلك كام فاتورة كهربا
بيع كليتك يا اخى عشان خاطر مصر فيه واحد باع كليته بمبلغ 30 الف جنيه و عايش زى الفل بالكليه التانيه .

و ممكن تبيع فص من كبدك و تبقى محظوظ لو هتتبرع لامير خليجى شوف بقى الفلوس دى تسدد لك كام فاتورة كهربا .
اسرق يا اخى عشان خاطر مصر فيه واحد سرق 72 مليار جنيه و عايش معزز مكرم و كمان المخابرات و القوات المسلحه بتحميه شوف بقى المبلغ ده يسددلك كام فاتوة كهربا .
انقل يا اخى من الشقه اللى انت عايش فيها و بلاش فشخرة و خدلك حوش و ترب الغفير ارخص و الكهربا فيها قليله منها تقلل المصاريف و منها تفتكر اخرتك .


الحياة حلوة بس انت اللى مش عارف تفكر فى الحلول المناسبة..

ليست هناك تعليقات:

إرسال تعليق