الاثنين، 15 أغسطس، 2016

يوميات شاب حضر الفض شفت بعينى

 في ذكرى رابعة الثالثة :
يوميات شاب حضر الفض
شفت بعينى:
 - شفت واحد بيرد على تيليفون مش بتاعه وبيقولهم صاحب التيليفون ده مات.

 - شفت بنت بتقول لباباها : " متخفش أنا مش هسيبك ... أنا واقفة هنا معاك ."
- شفت عم أحمد الى مش راضى يفطر عشان يقابل ربنا صايم.
- شفت شاب بيعيط وحضنى وميعرفنيش .. قال لى  : "هم ليه بيعملوا كده". 

-شفت عجوز لا يستطيع أن ينطق من هول الموقف. -شفته بيجرى بكيس الدم متعلق فى جسمه وصحابه مسندينه ليتحرق جوه المستشفى. 
- شفت حريق فى كل مكان. 
- شفت قناصة لا ترقب فى مؤمن إلاً و لا ذمة. 
- شفت خيام مولعة باللى فيها
- شفت إخوة بتصلى العصر قبل ما يفوتها رغم وابل الرصاص و الدخان المميت. 
- شفت نساء جنب جثث وبيصرخوا فينا : "متمشوش وتسيبونا احنا معانا 5 جثث" 
- شفت شباب ميت ملفوف بملايات. 
- شفت دخان زى السحاب. 
- شفت دماء فى كل مكان. 
- شفت جثث يمين وشمال ملهاش صاحب ولا حبيب. 
- شفت "أحمد" اللى كنت عارفه ودلوقتى مات. 
- شفت الدموع فى عيون الشباب وعرفت يعنى ايه"قهر الرجال".
- شفت أم تجرى وتصرخ ... تحمل رضيعها المقتول بين إيديها. - شفت أم تبكى ... سألناها نقدر نساعدك بإيه .. بكت وقالت ابنى مات. 

- شفت شيخ عجوز مقتول مرمى على الأسفلت ومش عارفينله عايش ولا ميت. 
- شفت رصاص بيمطر علينا وأخ بيسألنى هو المغرب أذن؟! 
- شفت واحدة بتصرخ "هم لسه فى المبنى اللى بيولع". 
- شفت شهيد شايل شهيد. 
- شفت "مهدى" رحنا الصبح سوا بس رجعت لوحدى وهو طلع عند ربنا. 
- شفت و شفت...
يوميات شاب حضر الفض

ليست هناك تعليقات:

إرسال تعليق