مشكلة إللي بيتابعوا أخبار مصر أو يكتبوا كتابات ساخرة
والله يا جماعة في مشكلة حقيقية بتواجة كل إللي بيحاولوا يتابعوا أخبار البلد أو يكتبوا كتابات ساخرة .. إن مفيش مساحة للألش أو تعلية سقف الإسفاف .. البلد بقت مهزأة جدا وأخبارها بقت بتنزل بألشتها .
يعني خبر إن الفنان هاني شاكر تسلم من الزند " حق الضبطية القضائية " .. إية كوميدي أكتر من إن هاني شاكر بالذات يتسلم حق الضبطية القضائية !!!
إية مسخرة أكتر من إنك مثلا تلاقي هاني شاكر بقى بيمتلك حق إلقاء القبض على أي مشتبه فيه !!
طب فيه بؤس أكتر من إن مصر بتمر بأزمة إقتصادية طاحنة .. ومعندهاش ميزانية
تسلك بلاعات وفيه قرى إتمسحت بالكامل في البحيرة .. فالرئيس النهاردة الصبح
يطلع قرار جمهوري منشور في الصحيفة الرسمية بزيادة معاشات ضباط الصف
والجنود المتطوعين !!
هنألش نقول إية على وزارة الخارجية إللي الصبح بتستنكر تدخل بان كي مون السافر في قضية إعتقال حسام بهجت .. وبعدها بساعتين تم الإفراج عنه رغم قرار حبسة أربع أيام على ذمة التحقيق .. هنسف نقول إية على هيبة دولة بالسخافة دي وقضائها الشامخ grin رمز تعبيري !!
إية إللي ممكن يتقال في إن اسراء الطويل إللي بتمشي على عكازين متهمة بمحاولة إغتيال شخصيات امنيه بتفخيخ كاميرا التصوير بتاعتها بقنابل ميكرو عنقودية ..
اه والله قنابل ..
من هنا ورايح إخبار البلد دي نسمعها .. متبوعة ب " تنرررارارران تن تن " ..
وفي الخلفية مزيكة فيلم " طأطأ وريكا وكاظم بية....
محمود محمد حجازي
هنألش نقول إية على وزارة الخارجية إللي الصبح بتستنكر تدخل بان كي مون السافر في قضية إعتقال حسام بهجت .. وبعدها بساعتين تم الإفراج عنه رغم قرار حبسة أربع أيام على ذمة التحقيق .. هنسف نقول إية على هيبة دولة بالسخافة دي وقضائها الشامخ grin رمز تعبيري !!
إية إللي ممكن يتقال في إن اسراء الطويل إللي بتمشي على عكازين متهمة بمحاولة إغتيال شخصيات امنيه بتفخيخ كاميرا التصوير بتاعتها بقنابل ميكرو عنقودية ..
اه والله قنابل ..
من هنا ورايح إخبار البلد دي نسمعها .. متبوعة ب " تنرررارارران تن تن " ..
وفي الخلفية مزيكة فيلم " طأطأ وريكا وكاظم بية....
محمود محمد حجازي
ليست هناك تعليقات:
إرسال تعليق