عزيزي المؤيد ... فكر و جاوب على نفسك ..
مش هطلب منك حاجة والله غير اني بطلب منك وقفة مع النفس ...
عايزك تقعد لوحدك وتسأل نفسك كام سؤال وجاوب على نفسك من غير ماحد يجادلك ... اتجادل مع نفسك وشوف هتوصل لإيه,,,
مش هطلب منك حاجة والله غير اني بطلب منك وقفة مع النفس ...
عايزك تقعد لوحدك وتسأل نفسك كام سؤال وجاوب على نفسك من غير ماحد يجادلك ... اتجادل مع نفسك وشوف هتوصل لإيه,,,
- آخر مرة عارضت قرار للسيسي كان امتى ؟!
- انت بتثق في شخص صح ؟ عرفت نية الشخص ده إزاي وايه اللي خلاص بتستميت في الدفاع عن أي كلمة أو قرار بياخده ؟!
- فكرت قبل كده انك بتأيد شخص زيي وزيك وزي أي بني آدم مش نبي ؟!
- تفتكر الناس اللي بتعارض بيع جزيرتين دول بيعارضوا ليه ؟!
- من فترة كنت بتشتم في السعودية والوهابية وبعد ما وقفوا جنبك بالفلوس حبيتهم ووثقت فيهم ... ايه اللي غير موقفك من دولة لا تعرف مصلحتها ايه ولا نيتها؟!
- سيبك من الصح فين وفين الحق وان احنا منعرفش اللي بيدور في الكواليس والكلام ده .. ليه بتعتمد في بحثك عن دليل لإثبات إن الجزيرتين مش تبعنا ؟! مع إنك ممكن تدور ومن جواك عايز تثبت إنهم ملك لمصر ؟! لمجرد اثبات ان السيسي مبيعملش حاجة غلط ؟!
- بتجيب منين الثقة إن كل حاجة بتقولها صح وإن الحق معاك انت بس ؟! ليه ماتقولش ان الحق ممكن يكون مع اللي قدامك وتطلع غلطان انت ؟ او حتى العكس.. ممكن ياسيدي الحق معاك واللي قدامك غلطان.. بس بردو بينك وبين نفسك جبت منين الثقة إن الحق معاك ؟!
- امتى اخر مرة اعترفت لنفسك انك غلطت في تأييد قرار معين ؟! يعني مثلا انت أيدت جهاز عبد العاطي لعلاج فيروس سي, ايدت قناة السويس الجديدة, ايدت المؤتمر الاقتصادي ... حاسس بإيه دلوقتي ؟! متنرفز ومكابر ؟! ولا انت شايف ان الحاجات دي عملت طفرة وحققت انجازات محسوسة للشعب ؟!
- انت عايش فين ؟! بره مصر ولا جوه ؟! نفسك تسافر ولا مرتاح ومبسوط هنا ؟!
- انت مقتنع فعلا ان كل اللي بيعارضك اخوان ؟! وانهم جهلة ؟! وانهم ييتآمروا لإسقاط الوطن ؟!
ماتعرفش انهم بيقولوا عليك نفس الكلام ده بس بيقولوا عليك معر* بدل إخوان ؟! ليه مقتنع انك صح وهما غلط ؟! ليه مش سايب الباب مفتوح ان ممكن اي طرف يبقى على حق ويبقى ده مبدأك قبل ما تأيد فيه أي حاجة وتطبل من غير ما تفكر ؟!
- انت واخد بالك انك بتحب وائل الإبراشي واحمد موسى والحسيني وتوفيق عكاشة ؟!
- جيب تصريح واحد لحكومتك أو لرئيسك بيدين فيه اسرائيل بأي حاجة .. مش واخد بالك اننا بقينا سمنة على عسل ؟! وانك مبقيتش حاطتهم في تفكيرك اساسا ؟!
- مش واخد بالك انك كنت بتشتم في قطر وبتتريق عليهم وعلى مساحة الدولة اللي اصغر من مدينة نصر ودلوقتي مابقيتش عارف تقول حاجة عليها عشان بس السيسي حبهم وفتح علاقات جديدة للتعاون ؟! مش واخد بالك انك لسه بتشتم في تركيا ؟! انت لسه عندك شك إنك هتحب تركيا لو حصل تعاون بينها وبين مصر ؟!!!
- ماتقلقش موضوع الجزيرتين ده هيتنسى زي ما كل اللي فات بيتنسى وصفحته بتتقفل .. بس تفتكر هيكون موقفك ايه لما تلاقي نفسك في الآخر كنت مشارك في أكبر حملة لضياع مصر لأنك وانت بتدور على دليل اعتمدت في اثباتك انك تحاول تثبت صحة قرار مش انك توصل للحقيقة؟!
مش هنطلب منك غير انك تقعد مع نفسك واتكلم مع نفسك كتير ... وشوف هتوصل لإيه ؟! بس طلب صغير... جرد تفكيرك من أي ولاء لأي شخص أو مؤسسة وفكر من منطلق الوصول للحق.. فكر من منطلق انك مصري وعايز مصلحة البلد كلها بما فيها مؤسساتها. محدش من حقه انه يتهمك انك خاين زي ما مش من حقك انك تتهم حد... احنا عايزين نبقى كلنا شعب واحد وبنخاف على مصلحة بلدنا عشان تبقى احسن ..
فكر وجاوب على نفسك ...
محمد أرنوس
- انت بتثق في شخص صح ؟ عرفت نية الشخص ده إزاي وايه اللي خلاص بتستميت في الدفاع عن أي كلمة أو قرار بياخده ؟!
- فكرت قبل كده انك بتأيد شخص زيي وزيك وزي أي بني آدم مش نبي ؟!
- تفتكر الناس اللي بتعارض بيع جزيرتين دول بيعارضوا ليه ؟!
- من فترة كنت بتشتم في السعودية والوهابية وبعد ما وقفوا جنبك بالفلوس حبيتهم ووثقت فيهم ... ايه اللي غير موقفك من دولة لا تعرف مصلحتها ايه ولا نيتها؟!
- سيبك من الصح فين وفين الحق وان احنا منعرفش اللي بيدور في الكواليس والكلام ده .. ليه بتعتمد في بحثك عن دليل لإثبات إن الجزيرتين مش تبعنا ؟! مع إنك ممكن تدور ومن جواك عايز تثبت إنهم ملك لمصر ؟! لمجرد اثبات ان السيسي مبيعملش حاجة غلط ؟!
- بتجيب منين الثقة إن كل حاجة بتقولها صح وإن الحق معاك انت بس ؟! ليه ماتقولش ان الحق ممكن يكون مع اللي قدامك وتطلع غلطان انت ؟ او حتى العكس.. ممكن ياسيدي الحق معاك واللي قدامك غلطان.. بس بردو بينك وبين نفسك جبت منين الثقة إن الحق معاك ؟!
- امتى اخر مرة اعترفت لنفسك انك غلطت في تأييد قرار معين ؟! يعني مثلا انت أيدت جهاز عبد العاطي لعلاج فيروس سي, ايدت قناة السويس الجديدة, ايدت المؤتمر الاقتصادي ... حاسس بإيه دلوقتي ؟! متنرفز ومكابر ؟! ولا انت شايف ان الحاجات دي عملت طفرة وحققت انجازات محسوسة للشعب ؟!
- انت عايش فين ؟! بره مصر ولا جوه ؟! نفسك تسافر ولا مرتاح ومبسوط هنا ؟!
- انت مقتنع فعلا ان كل اللي بيعارضك اخوان ؟! وانهم جهلة ؟! وانهم ييتآمروا لإسقاط الوطن ؟!
ماتعرفش انهم بيقولوا عليك نفس الكلام ده بس بيقولوا عليك معر* بدل إخوان ؟! ليه مقتنع انك صح وهما غلط ؟! ليه مش سايب الباب مفتوح ان ممكن اي طرف يبقى على حق ويبقى ده مبدأك قبل ما تأيد فيه أي حاجة وتطبل من غير ما تفكر ؟!
- انت واخد بالك انك بتحب وائل الإبراشي واحمد موسى والحسيني وتوفيق عكاشة ؟!
- جيب تصريح واحد لحكومتك أو لرئيسك بيدين فيه اسرائيل بأي حاجة .. مش واخد بالك اننا بقينا سمنة على عسل ؟! وانك مبقيتش حاطتهم في تفكيرك اساسا ؟!
- مش واخد بالك انك كنت بتشتم في قطر وبتتريق عليهم وعلى مساحة الدولة اللي اصغر من مدينة نصر ودلوقتي مابقيتش عارف تقول حاجة عليها عشان بس السيسي حبهم وفتح علاقات جديدة للتعاون ؟! مش واخد بالك انك لسه بتشتم في تركيا ؟! انت لسه عندك شك إنك هتحب تركيا لو حصل تعاون بينها وبين مصر ؟!!!
- ماتقلقش موضوع الجزيرتين ده هيتنسى زي ما كل اللي فات بيتنسى وصفحته بتتقفل .. بس تفتكر هيكون موقفك ايه لما تلاقي نفسك في الآخر كنت مشارك في أكبر حملة لضياع مصر لأنك وانت بتدور على دليل اعتمدت في اثباتك انك تحاول تثبت صحة قرار مش انك توصل للحقيقة؟!
مش هنطلب منك غير انك تقعد مع نفسك واتكلم مع نفسك كتير ... وشوف هتوصل لإيه ؟! بس طلب صغير... جرد تفكيرك من أي ولاء لأي شخص أو مؤسسة وفكر من منطلق الوصول للحق.. فكر من منطلق انك مصري وعايز مصلحة البلد كلها بما فيها مؤسساتها. محدش من حقه انه يتهمك انك خاين زي ما مش من حقك انك تتهم حد... احنا عايزين نبقى كلنا شعب واحد وبنخاف على مصلحة بلدنا عشان تبقى احسن ..
فكر وجاوب على نفسك ...
محمد أرنوس
ليست هناك تعليقات:
إرسال تعليق