تقرير ساخر.. قاضي "عادل إمام" يبكت قاضي "مرسي" على حكم العشرين

ظل القاضي في مسرحية شاهد ماشفشي حاجة؛ والذي أداه ببراعة الفنان نظيم شعراوي ينصح عادل إمام الشاهد الذي خرج من بيته في الساعة الرابعة والنصف وأدى مشاويره كلها ثم عاد إلى منزله في نفس الساعة ولا يعلم أي شيء على وجهه الحقيقي وكل كلامه ظني وليس متثبتا منه حتى أنه بعدما شهد بأن من في القفص هو مرتكب الجريمة قال وهو ينهي شهادته للمتهم يا عم أنا شفتك قبل كده فنسف شهادته، ونستطيع أن نقتبس قاضي عادل إمام قليلا ليوجه كلماته إلى قاضي العشرين عاما بحق الرئيس مرسي:
شوف يا عم أحمد يا بن يوسف أنت؛ أنا أحب لما تحكم حكم يبقي تقولنا يا أبيض يا أسود.. اللون الرمادي محبوش.
أصل ما ينفعشي تشاور لنا على لون واحد وتقولنا ده أبيض وأسود في نفس الوقت.. هو يا أبيض يا أسود.
قلت مرسي ماقتلشي وما معهوش سلاح أبيض، وبعدين ترجع تقول بس استعرض قوة.. إيه بقى اللي دخل الأبيض في الأسود تاني؟!
مامعهوش سلاح.. طب هايستعرض قوة بإيه؟
وإزاي عذب الناس أمام الاتحادية وهو جوه؟! واللي بتتهمهم إنهم عذبوا الناس دول هما اللي اتقتل منهم تسعة.. يعني اللي اتقتل هو اللي بيعذب؟!
عادل إمام يتدخل: وبعدين يا بيه ده لو كل اللي بيستعرض قوته وبيعذبوا دخلوا السجن عشرين سنة الظباط كلهم هايشرفوا ع البورش.