أول وزير للداخلية ينال احترام الشعب

بص كده للشخص ده تعرفه ؟؟؟؟
انا هقولك ده مين
الراجل ده ماحدش يعرفه بس هانقول حاجة بسيطه عنه الراجل ده تخيلوا مسك وزارة الداخلية لمدة عامين فقط لكن مافيش حد فى مصر فى فترة الثمانينات ماكانش بيحبه عشان كان راجل بجد وكان بيحب شغله جداً ابنه كان ظابط فى الداخلية مرة راح قاله يابابا انا زمايلى بس قالولى اقولك اننا كنا عايزين مكافآت عشان بقالنا فترة مااخدناش مكافآت وكده قاله ماشى تانى يوم اول ماوصل مكتبه فى الوزارة جاب طلب استقالة وكتبه باسم ابنه وحط طوابع دمغه ووقع عليه بالموافقة ولما ابن عرف قاله انت ماتنفعش تشتغل فى الشرطة طول ماانت شايف ابوك هاينفعك وابنه بقى محامى
بعد كده الراجل ده كان بينزل الفجر لابس جلابيه مقطعه وشبشب فى رجليه ويدخل على اى قسم عامل متعور ويقول للظباط انا عايز اعمل محضر عشان فى ناس طلعوا عليا وضربونى واخدوا منى فلوسى وكان الظباط بيشتموه ويقولوله اترمى هنا يقوم داخل على المأمور يقوله ان الظباط مافيش حد عايز يساعده المأمور طبعا بيقوم شاتمه ازاى يدخل عليه كان بينفخ المأمور هو وظباط القسم كلهم عمل كده كذا مره فى كذا قسم شرطة لدرجة انه جاب رعب للداخلية كلها هو ده الراجل اللى البلد محتاجاه دلوقتي الله يرحمه كان راجل بجد وهو الوحيد اللى منع الحشيش فى مصر لمدة 6 أشهر مصر كلها ماكانش فيه حشيش وهو اللى انهى أسطورة الباطنية
عارفين مين ده
ده وزير الداخليه السابق احمد رشدى
أحمد رشدي محمود عيد (29 أكتوبر 1924 - 4 يوليو 2013) من مواليد مدينة بركة السبع محافظة المنوفية هو وزير الداخلية المصري من 1984 حتى 1986. لقب ب"قاهر المخدرات". هو أول وزير للداخلية ينال احترام الشعب
بجميع طوائفه وحارب تجار المخدرات وقاد حملة ناجحة عليهم.