الأحد، 2 أكتوبر، 2016

أحمد لطفي : شعب كياد بطابعه ...


شعب كياد بطابعه ...
 
الشعب المصرى يعشق المكايده و يتفنن فيها حتى لو هتطربق فوق دماغه بعد كده!!!
 
على سبيل المثال لا الحصر :.
 
*المكايده الزوجية
حينما تغضب الزوجه من الزوج تنتظر حتى يدخل الحمام ليستحم خاصة فى الشتاء قارص البرد ثم تتذكر ان عليها ان تغسيل المواعين !! عشان الميه تسقع عليه ويتكتك من البرد :) 
طب مهو هيخرج يحطك فى قلب الحوض !!
يجى الزوج متاخر تعمل نايمه عشان ما تحضرلوش العشا !!! بالرغم من انه لسه شايفها اون لاين على الواتس من 3 دقايق !!! طب ماهو هيشيلك وينكتك فى الارض !!

*المكايده الرياضيه
عندما يكسب الزمالك ياتى جمهور الزمالك بحمار ويلبسوه تى شيرت الاهلى ويطوفون به فى الشوارع !!!! طب مهو الاهلى بيكسب اكتر وهيلبس الحمار والكلب والخروف وهيعملهالك جنينة حيوانات !!
دائما ما تجد الاخ الاصغر يشجع الاهلى نكاية فى اخيه الاكبر الزملكاوى !!!

*المكايده فى العمل :
حينما يعنف المدير الموظف او يخصم له من الراتب .. ياتى الموطف متأخرا فى اليوم التالى او يقصر فى مهامه كرد فعل !!! طب مهو هيأخر ترقيتك وهيخصملك تانى !!

*المكايده الطائفيه :
تلاقى صاحب المحل المسيحى معلق صور العدرا والبطل الرومانى والصلبان فى كل ركن من اركان المحل !!! طب ما الزبايين المسلمين مش هيجولك تانى !!
سواق التاكس المسلم اول ما يحس ان الزبون اللى ركب مسيحيى او يلمح الصليب معلق فى رقبته يروح مشغل القرأن مع انه كان بيسمع اوكا وارتيجا قبل ما يركب الزبون !!! :) :)طب ما هو هيناكفك فى الاجره ومش هيديك بقشيش كويس !!

*المكايده السياسية :
انصار الشرعية يطلقوا لفظ عبيد البياده على الانقلابيين يقوم الانقلابى من دوول حاطت البياده فوق راسه وتيجى واحده تانيه حاضنه البيادة وبايسها من بوزها :) :) وتيجى واحده تالته وهاتك يا رقص امام اللجان !!! 
طب يا حلوة يا بلحة يا مقمعة ما هو ده على حساب شرفك وسمعتك !!! مش مهم بالعند فى الاخوان !!!
يا عم ياللى شايل البياده فوق راسك الدولار عدا  13 ج  والسلع زادت !! مش مهم بالعند فى الاخوان !! 
يا باشا ده شال الدعم عن المحروقات والموصلات زادت !!!مش مهم بالعند فى الاخوان !! 
يا حاجه ده فواتير الكهربا والغاز والميه بقت تلت اضعاف !! مش مهم بالعند فى الاخوان !! 
طب الاخوان عملولك ايه عشان تكرهم كده !!؟ كانو هيأخونوا الدولة !!! 
طب يا اذكى اخواتك ماهى البيادة عسكرت الدولة!!! مش مهم ده جيش بلادى!! 
يا حبيبى ما هو الاخوان اولاد بلادك برضو !! لاء دوول تجار دين !! 
المهم تلاقى نفسك فى الاخر بتحاور جاموسه عوشر ومش هتوصل معاه لنتيجه !!!
دوول بالظبط عاملين زى واحد عايز يكيد مراته راح خصى نفسه !!! طب يا حمار انت كده فقدت رجولتك للابد !! وهى ممكن تتصرف !!! يقولك مش مهم !! المهم ان احنا خلصنا من الاخوان :) :) :)
#أحمد_لطفى

ليست هناك تعليقات:

إرسال تعليق