شاهد.. جيش السيسي يقتل طفلة بالعريش.. وضابط لوالدها: هنعوضك!
الطفلة الضحية
23/10/2016
قتلت قوات جيش السيسي المرتزقة طفلة
بالابتدائية، أمس، بمدينة العريش بمحافظة شمال سيناء، أثناء خروج الطلبة من
مدرسة الزهور الابتدائية.
وبحسب شهود عيان، في تصريحات صحفية، فإن
الضابط قال لأبوها: هنعوضك ونحاسب اللي قتلها، وأكدوا أن الطفلة "ندى أحمد
خميس أبو أقرع" 11 عامًا بالصف السادس الابتدائي من مدينة العريش، قامت
قوات الانقلاب بقتلها عشوائيًا.
وأكدوا أن إحدى الحملات جاءت اليوم على حي
الزهور ووقفت مدرعة قدام بوابة المدرسة حتى ميعاد خروج الأطفال، ومع خروج
الأطفال من البوابة كان يوجد عسكري يقف أمام البوابة وماسك سلاحه فجأة
وبدون سابق إنذار ضرب نار عشوائي الطلقة استقرت في رأس "ندى" وماتت في
الحال وأصيب الطفل "ممدوح محمد إبراهيم".
وتابعوا: إحدى صديقات ندى كانت معاها فضلت
تصرخ وتقول صحبتي يا ماما ندى ماتت يا ماما وأصيب المدرسين والأطفال
والأهالي بحالة هلع وغضب لما شافوا دماغها متفرتكة على الأرض.بينما تقول
إحدى أولياء الأمور: لغاية امتى هنفضل كده مهزلة ودمنا رخيص كده؟ يوم
مايتنسيش مع العيال يشوفوا صاحبتهم كده في الأرض ودمها سايح.
وأضافت: أول ما ندى اتقتلت كلنا نزلنا نشوف
حصل ايه وقعدنا نصرخ وجت باقي الحملة عند المدرسة وجه الظابط قعدنا نزعق
بأعلى صوت وقولنا له: يا ظلمة انتوا جايين تحمونا ولا تموتونا؟ هو العسكري
ده بيتعامل مع هدف ولا شاف إرهابي؟ بيضرب أرضي ليه؟ وشاف ايه قدامه علشان
يضرب مع طلوع العيال؟!
وتابعو:إن أصعب مشهد عند قدوم أم ندى ووالدها
والذي قام باحتضان ندى ونام على جثتها واغمى عليه وأمها قعدت تصرخ بصوت
عالي وتحضن فيها وفي دمها.
ليست هناك تعليقات:
إرسال تعليق