عمرو جابر :

النهارده حصل تلت مواقف حلوين معايا
الموقف الاول
الصبح اتصل بيا احد اصدقائى المقربين و هو من اكبر السيساويه فى مصر و العالم العربى و الكوكب و المجره و قال اخبارك ايه قلتله تمام الحمد لله قالى سمعت خطاب الجدع ده امبارح فافتكرتك علطول قلت هتألش عليه بقى و جيتلك على الطبطاب قلتله الجدع ده مين قالى بتاع تلاجة الميه قلتله اه صحيح دا زودها اوى قالى دا طلع عبيط و اهبل قلتله مش ممكن تكون انت اللى بتقول الكلام ده قالى دا يعمل انتخابات رئاسيه مبكره و كفايه بقى فضايح و تدمير للبلد

الموقف التانى
المطعم اللى بجيب منه سندويتشات صاحبه كان مشغل توفيق عكاشه طول اليوم و لما قناته اتقفلت شغلنا احمد موسى حاجه تفقع يعنى و صور السيسى كانت متعلقه فى كل مكان فى المطعم المهم النهارده بيتكلم مع واحد و بيقوله السيسى خرب البلد فبقوله ازاى تقول الكلام ده عيب عليك السيسى اللى انقذ مصر قالى انا كنت بقول كده زمان بس مينفعش استمر على رأيى ده بعد اللى عملوا فى البلد
الموقف التالت
صاحبى عنده مصنع حلويات و كان حاطط بانر كبير اوى على البرج اللى فيه المصنع من فوق لغاية المعرض و المصنع صاحبى شال البانر ده النهارده لان المصنع بقاله اسبوع متوقف عن العمل عشان ازمة السكر و مباحث التموين صادرت الشوية السكر اللى كان بيعمل بيهم الحلويات و طبعا دلوقتى بقاله اسبوع بيدفع فلوس للصنايعيه بدون ما يشتغلوا و بقى بين نارين يقولهم امشوا و يروحوا يشتغلوا فى مصانع منافسه و الا يصبر لغاية ما الازمه تتحل و يقدر يرجع يشغل المصنع تانى
المواقف دى مبشره