(فيديو) في مشهد إجرامي.. سحل أم لثلاثة معتقلين بقسم الزهور ببورسعيد
14/07/2014
كشفت أم
لثلاثة معتقلين بمحافظة بورسعيد عن وقع جريمة جديدة من جرائم الانقلاب
العسكري الدموي حيث كشفت الأم عن وقائع تعذيبها وسحلها وإهانتها داخل قسم
الزهور بمحافظة "بورسعيد" على يد ضباط الشرطة بالقسم وذلك فقط لاعتراضها
على اعتقال ابنها الثالث "عبدالرحمن" دون أن يقترف أي جريمة أو ذنب.
وقالت أم
المعتقلين الثلاثة في تصريحات صحفية "قوات الشرطة راحت عندنا البيت ماكنش
حد موجود غير ابني الصغير عبد الرحمن، فالشرطة اعتقلته ولما رجعت الجيران
قالولي انهم خدوه على قسم الزهور، نزلت جري على قسم الزهور لإني عارفه كويس
ايه اللي بيحصل في القسم ده ، سألت عليه جوه قالولي لسة ماجاش مع الحملة،
انتظرت 5 دقايق لقيت الحملة جات "جريت عليه وقولته ايه يا عبد الرحمن حصل
ايه" راحوا شدو عبد الرحمن مني وبعدوه".
وتابعت
"روحت للظابط الكبير قولتله دا عمل ايه جريمته ايه عشان تعتقله.. راح رد
عليه وقالي "دا مزاج أمي .. اعتقلته بمزاج أمي" قولته " مزاج أمك يقولك
تعتقل طفل زي ده، مزاج ايه ده حرام عليك".
وأضافت "
على طول لقيته راح نازل عليه بالضرب والشلاليت هو وكل اللي معاه في الحملة
"شلاليت وضرب وقلعني النقاب وكانو بيشدوني من شعري وسحلوني على الأرض
وجروني دخلوني جوه القسم وطلعوني الدور التاني وأنا مجرورة بالطريقة دي
وشيتيمة بأبشع الألفاظ وأنا بصرخ وااقول حسبي الله ونعم الوكيل فيكم هانقتص
منكم يوم القيامة".
الرابط:
ليست هناك تعليقات:
إرسال تعليق