ياسر نجم : 
- مشروع محور قناة السويس ومشروع تنمية سيناء والمرتبطين ببعض..فاكرينهم ؟
* ياااااااااااااااه...انت لسه فاكر ؟
- أيوه فاكر..المشروعين العملاقين اللى الحكومة الشرعية كانت ابتدت فيهم قبل الإنقلاب مباشرة..
* دول ايه اللى حصل فيهم دول ؟
- أبداً..مشروع محور قناة السويس العملاق قعد يتقزم أيام الببلاوى لمشروع صغير هامشي..وبعدين تقزم أكتر وأكتر لحد ما اختفى تماما أيام محلب...
ومشروع تنمية سيناء طبعاً مالوش مكان دلوقتى لأنه لا صوت يعلو فوق صوت المعركة ضد الإرهاب...مع ان الخبراء كلهم أجمعوا ان تنمية سيناء هى الحل الوحيد لكل مشاكلها..
* طب وده ايه أهميته دلوقتى ؟
- الكلام ده مش من فراغ...من أساسيات استراتيجيات اسرائيل ان سينا تفضل صحرا وجبال كده..لا فيها سكان ولا فيها تنمية...بيعتبروها (عازل طبيعي) بين مصر واسرائيل فى حالة الدفاع...ومساحة حرة يتحرك فيها جيشهم بسرعة وبدون مقاومة فى حالة الهجوم..زى ما حصل فى وكسة 67...
(الكثافة السكانية أهم سبب استراتيجي لجلاء اسرائيل عن غزة سابقاً وعجزها عن غزوها حالياً)...
* يا راجل...بلاش مبالغة..
- مبالغة ؟
طب اسمع حسب الله الكفرواى اللى هو جزء من نظام مبارك بيقول لك:
"شارون قال أن تعمير سيناء أخطر على إسرائيل من القنبلة النووية".. https://www.youtube.com/watch?v=cGmWghOCOqo
وخد عندك..الجنزورى اللى هو برضه جزء من نظام مبارك بيقول لك:
"مبارك رفض مشروعات تنمية سينا استجابة لإسرائيل.. http://tinyurl.com/oywlzoz
* طب وبعدين ؟
- قوم بقى يا سيدى..شيمون بيريز ادى تعليمات لمبارك انه يعمل مشروع قومي كبير فى حته بعيدة عن سينا...زى فين ؟ زى توشكى مثلا...
* يااااااااااااااه...توشكى..انت لسه فاكرها دى كمان...؟
- أيوه..توشكى..الفاشلة..
اللى البلد رمت فيها 10 مليار جنيه فى الأرض.. http://today.almasryalyoum.com/article2.aspx?ArticleID=9372
واللى تعتبر نموذج لتبديد الثروة وأهدرت 15 مليار متر مكعب مياه http://tinyurl.com/k777mpz
واللى الكفراوي برضه قال انها جريمة..والإستمرار فيها خيانة.. https://www.youtube.com/watch?v=NsYSZYc73Bk
* يعني ايه لزمته الهري ده كله دلوقتى ؟ احنا ف ايه ولا ف ايه ؟
__________________________________________________
- أبداً...حبيت بس أقول لك انه والبلد مقبلة على أكبر أزمة مياه فى تاريخها..واحنا عمالين نضرب أخماس فى أسداس سد النهضة الأثيوبى واتفاقية مياه النيل ازاى هاتبهدل مواردنا المائية...
وبعد ما عرفنا ان مشروع توشكى كان فكرة الإسرائيليين اللى استراتيجيتهم اننا نبعد عن تنمية سينا ومحور قناة السويس...
وبعد ما ثبت ان مشروع توشكى بلاعة مرار طافح لإقتصادنا وبلوى من بلاوى مبارك اللى لن تغتفر له..
بعد كل ده....
السيسي قرر النهارده انه هايستغل التبرعات اللى جت له واللى هاتيجى له...مش فى سينا ولا فى محور قناة السويس....
لكن فى توشكى...
http://www.almasryalyoum.com/news/details/486454
وسمعنى سلام:
- مرسي الفاشل..
و
- السيسي اللى بيحافظ على الأمن القومى المصري..
و
- ماتنساش "صديقى بيريز"....
هذه المقالة للرائع: ياسر نجم