الآن :
مصر مش أم الدنيا, مصر مجرد بلد فاشل من العالم التالت كل شهرتها حاليا انها جنب اسرائيل و انه كان فيها ناس متحضرة بتبني مسلات و تماثيل من 7000 سنة .
الآن : 2- مصر شعبها مش أعظم شعب, 40% منهم جهلة رسميا و نص المتعلمين منهم جهلة بشهادات تعليمية وحافظين مبيفهموش .
3الآن : - مصر مافيهاش تعايش , و لا شغل الوحدة الوطنية , لا المسلم طايق المسيحي و لا المسيحي طايق المسلم و هما الاتنين مش طايقين حد تالت جنبهم (ملحد , يهودي , بهائي...) .
4الآن : - مصر مش مهد الحضارة , مصر من ضمن 20 دولة في العالم معتبرين ان العلمانية و العلمنة (وسيلة التحضر) شئ عيب, و معتبرين ان واحدة ست تمشي بفانلة حمالات و شورت سبب كافي انها يتم التحرش بيها أو تغتصب أو يحصل لها أسوأ الأمور من غير اى لوم على المتحرش .
5الآن : - مصر ما علمتش العالم و لا حاجة , التعليم الإبتدائي في مصر أسوأ تعليم في العالم و الإعدادي و الثانوي زيهم , و التطوير عندنا بينحصر في انك تشيل ستة ابتدائي و ترجع الثانوية سنتين أو العكس مش أكتر, و مفيش جامعة مصرية من أفضل 50 جامعة و لا 100 جامعة, و لا 200 ولا حتي 300 و لا 400 و يوم ما البلية تلعب بنبقي في آخر 50 في اول 500, و الأشخاص الكويسين أكاديميا اللي فيها مشيوا خلاص, و الكويس اللي فاضل بيفكر يمشي .
6الآن : - المصريين مش معروفين لا بقوتهم ولا بجبروتهم, مايكل فيليبس و يوسان بولت جابوا ميداليات في الاولمبياد أكتر من كل بطولات المصريين في كل الرياضات, و مفيش رياضة مميزين فيها, و فيه رياضات منعرفهاش أصلا .
7الآن : - المصريين لا شعب كريم و لا مضياف, نص السوريين اللي جم يلجأوا لمصر مشيوا بسبب التضييق عليهم, و كل العراقيين اللي جم قبل كده عانوا نفس المشكلة , الأفارقة بيتشتموا علنا في الشارع لأنهم سود , و الأسيويين مجرد قصيرين و تجار شنطة, و الفلبينيين مجرد خدامين, و الاوروبيين بيتعاملوا كأنهم كائنات فضائية سهل النصب عليها و التحرش بيها, و كلهم بيتشتموا لو معرفناش نطردهم
ليست هناك تعليقات:
إرسال تعليق