في عهد الرئيس مرسي وعهد انقلاب السيسي ماذا قالوا ، و ماذ يقولون الآن:
الدستور :
في عهد مرسي: 6 شهور ؟؟ ده مسلوق !!
في عهد السيسي: 4 شهور ؟؟ كويس !!
سقوط قتلى :
في عهد مرسي:العدد بالآحاد : انت سقطت شرعيتك،بينا وبينك دم
في عهد السيسي: العدد بالآلاف : أحسن يستاهلو دول إرهابين،ومعاهم سلاح .. ايه الي وداهم هناك اصلا !!
إعلانات دستورية وجمع السلطات الثلاثه :
في عهد مرسي: رئيس ديكتاتور ظالم مستبد
في عهد السيسي: دي مجرد فترة انتقاليه يا جماعه !!
سيناء :
في عهد مرسي: منك لله يا مرسي زي ما سبتها مرته للإرهابين بتوعك انت وحماس
في عهد السيسي:منهم لله الأخوان وحماس هما الي بيعملوا كل ده عشان يبوظوا البلد .
قطع طريق:
في عهد مرسي: الله يحرق الاخوان مش عارفين يأمنوا البلد ..
في عهد السيسي: منهم لله الاخوان هما الي هيخربوا البلد ..
اعتصامات ومظاهرات :
في عهد مرسي: ما تعبر الناس ياعم ولا عشان مش من الاهل والعشيرة .. وبعدين التظاهر ده حق وحرية ..
في عهد السيسي: المتظاهرين دول شوية خونة متأمرين على مصر عشان يخربوها محدش يعبرهم .. اصلا المظاهرات حرام ..
استنجاد بالغرب :
في عهد مرسي: ده رئيس ديكتاتور ولازم نقلب الرأي العام عليه. و تعالى يا أوباما.
في عهد السيسي: شايفين الاخوان الخونة الي بيستنجدوا بالغرب ..
موت أطفال :
في عهد مرسي: منه لله مرسي معملش مزلقانات كويسه
في عهد السيسي: منهم لله أهاليهم اللي خدوهم للاعتصام ..
احكم بنفسك على طريقة تفكيرهم
و بماذا تصفهم؟؟ منافقون ، متحولون ، نفعيون ، وصوليون ، خائفون مخربون للوطن
اختر بنفسك ما يناسبهم من وصف
يعنى سد النهضة الاثيوبى طلع مصدر رخاء لدول حوض النيل و دول المصب
و مشروع إقليم قناة السويس طلع كويس و الإمارات حاتروح تستثمر فيه
و ازمة البنزين و السولار و البوتجاز .... طلعت ازمات ازلية ... و حلها بياخد وقت
و ازمة الكهرباء .... طلعت برضوا أزمة أزلية ..... و حلها بياخد وقت
و دلوقتى محافظ الأقصر رجل عسكرى و مش إرهابى ..... بس السياحة هناك مفيش
و الداخلية دلوقتى بقت شايفة شغلها كويس مع أن الوزير ده أيام محمد مرسى كان خايبان جدا
و قفل الميادين بالجيش و الشرطة دلوقتى عادى ..... و يولع الناس فى المرور مفيش مشاكل
و قفل محطة مترو التحرير عادى ...... أصل الموظفين و المواطنين دول ولاد كلب
و إيقاف حركة قطارات الصعيد عادى جدا ...... أصل الصعيد دول مش تبع مصر
و التظاهر و الاعتصامات دلوقتى حرام شرعا و قانونا ....... بس أيام مرسى كانت حلال و واجب وطنى
و يطلع واحد فلوطة يقولى حكومة الببلاوى هيا إللى ضعيفة و السيسى ما لوش دعوة
أرد عليه و أقوله : الببلاوى إللى السيسى عينه كان نائب رئيس وزراء و وزير المالية فى حكومة عصام شرف الفاشلة
و السيسى هو النائب الأول لرئيس مجلس الوزراء
و لو السيسى ما لوش دعوة ...... اومال عزلتوا مرسى ليه !!!!!!
أقولك على حاجة ........ ولا بلاش لحسن تزعل
ليست هناك تعليقات:
إرسال تعليق