لو سمحت شيل اليافطة دي

لو سمحت شيل اليافطة دي

  امبارح كنت راكب ميكروباس وكنت قاعد جنب السواق ودخلنا علي لجنة السواق اللي جنبي لقيتوا بيقول : " مش هنخلص من ولاد ال ### دول ..................
فنظر لي وقال لي : "معلش يا شيخ اصل الواحد اتخنق .."
 
المهم اللي في الموضوع الراجل حاطط علي الزجاج الامامي والخلفي يافطة ‫#‏هل_صليت_علي_النبي_محمد_اليوم‬.
 
النقيب بتاع الشرطة قال للسواق  : لو سمحت شيل اليافطة دي. قال له :  لية يا باشا ؟
رد النقيب قال له:  من غير لية دا قانون يا اما تدفع 30 جنيه. السواق قال له : خلاص يا باشا هات الوصل بتاع ال 30 جنية. 

فالمهم النقيب عمل له وصل ، والسواق ادالة الفلوس ومشالش اليافطة . فالنقيب قال له : علي فكرة لو   و انت راجع ولقيت اليافطة هدفعك 30 جنية تاني ،  انا مورييش غيرك النهاردة !! 
راح السواق رادد :  هحضرهم لحضرتك من دلوقتي .

فالمهم الناس اللي في الميكروباص لقيتهم كلهم بيتكلموا مع بعض ولقيت ست ورا بتقول : حسبنا الله ونعم الوكيل فيكم. 
فالناس اتفقت ان كل واحد يدفع 2 جنية علشان نجمع ال 30 جنية للسواق .
والناس بتدفع الفلوس للسواق حلف انه ميخدش غير اجرته فقط وكان رده عجيب قال : " يا جماعة انا بشرب سجاير وبلا ازرق ومبصليش سيبوني اخد ثواب مرة في حياتي احس فيها اني مسلم وممكن الحركة دي هي اللي تدخلني الجنة " !!


عَنْ أَبِي هُرَيْرَةَ أَنَّ رَسُولَ اللَّهِ -صلى الله عليه وسلم- أَتَى الْمَقْبُرَةَ فَقَالَ: (( السَّلاَمُ عَلَيْكُمْ دَارَ قَوْمٍ مُؤْمِنِينَ وَإِنَّا إِنْ شَاءَ اللَّهُ بِكُمْ لاَحِقُونَ وَدِدْتُ أَنَّا قَدْ رَأَيْنَا إِخْوَانَنَا )).
قَالُوا أَوَلَسْنَا إِخْوَانَكَ يَا رَسُولَ اللَّهِ قَالَ: (( أَنْتُمْ أَصْحَابِي وَأما إِخْوَانُنَا فهم الَّذِينَ لَمْ يَأْتُوا بَعْدُ )) !!!
من من الاصدقاء نفسة يبعث تحية لهذا السائق المحترم