محمد الامير بركه
عايز تعرف مين هو ضابط الجيش المصري؟!!!
كل ضابط في الجيش أياً كان رتبته و أياً كان مكان وحدته ليه غرفة خاصة تسمى استراحة بيقضي فيها 99% من يومه ، ومن فترة وجوده في الوحده معاه اللاب توب و الموبايل و التلفزيون و الدش ، و حمام خاص لا تنقطع منه المياه طوال اليوم حتى لو الوحدة بتاعته في الصحراء ..
الضباط ليهم اكل لوحدهم ، غير اكل العساكر الغلابة طبعا وكل ضابط ليه عسكري او اكتر شغال خدام عنده بيتسمى في الميري " متابعه " وبيتسمى في اوساط المجندين " سيكا " ..
اجازات الضباط بتكون اسبوع و اسبوع او اكتر من كده شوية ، و معظمهم بيجي من الاجازة يدخل غرفته ميطلعش منها الا وهو نازل اجازة تانية ، واللي مدخلش الجيش يسئل أي قريب او صاحب ليه دخل الجيش ..
ضابط الجيش بيستلم شقة من مساكن القوات المسلحة بالتقسيط الممل ، اللي بيوصل لستين سنة غالبا في ارقى المناطق السكنية في مصر ..
ضابط الجيش بيتعالج في انضف مستشفيات في البلد مستشفيات القوات المسلحة هو و عيلته كلها مجانا و لو محتاج سفر بره بيسافر ..
الجيش ليه مصايف خاصة في احسن شواطئ مصر و شاليهات خاصة للظباط و عائلتهم بيصيفوا فيها ولو حبوا يشتروها بنفس مميزات الشقق السكنية بالقسط ..
الجيش ليه فنادق خاصة اسعارها رمزية للضباط و عائلاتهم في كل مكان في مصر ..
ظابط الجيش غالبا بيطلع من الخدمة على رتبة عقيد او عميد متقاعد و بتستمر نفس المميزات السابقة له و لأسرته مدى الحياة ، وبياخد مكافئة نهاية خدمة حوالي مليون جنيه ..
وبعد كل دا الجيش بيجيب له وظيفة مدنية _ سياسية او ادارية او امنية _ بدءاً من وزير ومحافظ ومدير امن وصولا لرؤساء احياء ومدن ورؤساء مجالس ادارت شركات ونوادي وغيرها .....
ضف لكده ان في بعض المناصب المدنية شديدة الحساسية والاهمية جرى العرف على ان تكون محجوزة سلفا للعسكريين ومنها مثلا :
رئيس هيئة قناة السويس ..
رئيس الرقابة الادارية ..
رئيس الهيئة العربية للتصنيع ..
وطبعا وزير الدفاع ..
ليست هناك تعليقات:
إرسال تعليق