الأربعاء، 14 يونيو، 2017

مراقبة الفيس بوك شائعة جديدة لا اساس لها ملأت فضاء الفيس بوك

 

 إعادة نشر  في 14 يولية 2017

================

الاثنين، 3 فبراير، 2014

مراقبة الفيس بوك شائعة جديدة لا اساس لها ملأت فضاء الفيس بوك


مراقبة الفيس بوك
شائعة جديدة لا اساس لها ملأت فضاء الفيس: 


وكالعادة ترتعد الفرائص خوفاً من الباشا خريج هندسة إتصالات اللى بيراقبه ( بلا نيلة )
،،
أنا إستخدمت مصطلح فضاء الفيس بوك ، لأنه أنسب وصف لملايين البشر
ممن يستخدمون الفيس فى مصر وحدها ، حضرتك بقىٰ متخيل  : إن الباشا اللى مش قادر يسيطر على مظاهرات فى الشارع فيها كام ألف فى كل مظاهرة،  ولا عارف يجيبهم من بيوتهم ويخمد الثورة دى من منابعها ، بقدرة قادر هيدخل على ملايين الحسابات ويصفيها ويتتبع الأي بي بتاعها ويطلع عنوان حضرتك ويجى يعتقلك ؟؟؟!!!!

من الناحية العلمية  : الكلام ده ضرب من ضروب الخيال ولا حتى أقوى جهاز مخابراتى فى الدنيا ممكن يعمله ، 


وهى دى قوة الفيس بوك اللى مجنناهم .....
،،
بس ممكن يقدروا بحاجة تانية ، مثلاً  : خبر كاذب فى أى جريدة صفرا من بتاعتهم :  إنه تم القبض على ناشط بيحرض على الجيش والشرطة.


خبر تانى : فيه أرقام تليفون تتصل بيها وتبلغ عن أى حد بيعمل أى حكاية عالفيس
وكأن اللى هيبلغ ده هيبعت لينك الأكونت بتاعك فى مسج مثلاً ( عالم متخلفة )
كل ده ولا حاجة ولا ليه أى أثر فى الواقع.

( مع العلم بأن اي اتصال تليفوني يرسل معه رقم كود الموبايل المرسل و كود اقرب محطة  غرسال وتقوية )

بس هما هيقدروا يسكتونا لما حضرتك تاخد الخبر وتنقله وتخوف صحابك
الفيس كبير ،، أكبر مما تتخيل
،، 


بس اللى أكبر منه : خيبتنا التقيلة فى نقل أى هرى و أي خبر وخلاص دون التحقق منه ، وخوفنا من الوهم.

الاثنين، 3 فبراير، 2014

 

ليست هناك تعليقات:

إرسال تعليق