مقترحات للتقشف نريدها من السيسي : 

بمناسبة التقشف وكداهون فأنا بقدم حزمة اقتراحات للسيسي لتوفير ميزانية الدولة الهشة اللي صرفت 12 مليار دولار خليجي و600 مليار جنيه استدانة و9 مليار دولار وديعة في 8 شهور ومعملتش حاجة
1- ممكن توجه جنود سيادتك للاكتفاء برصاصة واحدة في رأس المتظاهر , فلا معنى لقتله ب3 رصاصات , وبكده توفر ثلثي ثمن الرصاص

2- عندك 21 ألف معتقل سياسي , لو كل واحد بيتكلف 10 جنيه أكل في اليوم يعني حوالي 200 ألف جنيه , يعني 6 مليون جنيه في الشهر ! , بلاش تاكلهم وبما أنك كده كده هتقتلهم لو خرجم يبقى مفيش داعي للمصاريف والخسائر

3- ممكن توجه الشرطة لتعذيب المعتقلين بالكهرباء في غير أوقات الذروة , عشان نخفف الضغط على قطاع الكهرباء القومي

4- بما أنك قافل كل قنوات واعلام المعارضة , ايه المعنى من وجود 20 قناة مؤيدة, غير الصحف ؟!
ممكن تلم شوية الاعلاميين بتوعك دول في 3 قنوات وتوفر المصاريف دي

5- نزل البنطلون شوية , ووفر لمصر ربع متر قماش , أكيد هيفرقوا معاها

6- ليه كل القضاة ووكلاء النيابة دول , حضرتك ممكن وزارة الداخلية تعمل أبليكيشن ع النت او الأندرويد . المواطن يدخل رقمه القومي يطلع له الحكم مباشرة

7- مفيش داعي للتفجيرات , وكده مصاريف على الفاضي وكده كده شعبك مقتنع بهبلك .. ممكن لو لازمك ناس تموت , الداخلية تعمل قرعة لاختيارهم من بين المتقدمين لداء فريضة السفر الى الجنة

8- ليه متخليش سيات اللوا عبد العاطي يخترع جهاز , بحيث يستأذن الطالب ويديله العلم في صورة صباع كفتة يتغذى عليه , وبلاها دراسة ومدرسين ومظاهرات ووجع قلب

9 - وعلى ذكر سيات اللوا عبد العاطي , ممكن يخترع جهاز يحول مظاهرات المعارضة لمظاهرات مؤيدة في 16 ساعة , وبلاها غاز وخرطوش وقوات وبتاع

10 - ليه تعمل انتخابات رئاسة , وصناديق ومراقبة وقضاة ومصاريف .. انت لو خليت شوية الاعلاميين بتوعك يقولوا للناس أنها تمت خلاص وان سياتك نجحت , بس هما مش واخدين بالهم .. وربنا هيصدقوا .. بس من غير ما تحلف !!