هل كل اللى حضرتك استخلصته من كل احداث فيلم #المندس ؟ ان مرسى فاشل ؟؟

فارس السلمية يكتب ::--

" مرسى فاشل "

هو ده كل اللى حضرتك استخلصته من كل احداث فيلم #المندس ؟ ان مرسى فاشل ؟؟

أم ان الشاى بالياسمين وحصولك على لقب ناشط سياسى او احد شباب الثورة وكرهك للاخوان اللى خسرت قدامهم فى الانتخابات وجبنك وخوفك من الظالم المتآمر اللى معاه الدبابة خلاك تهاجم الرئيس المختطف واللى مش قادر يرد عن نفسه ويبين حقيقة اللى حصل وتنسى الظالم الحقيقى وكل المؤامرات اللى عملها ضدة ؟؟

---------
{ وللناس اللى هاتقول انى بادافع عن مرسى لانى اخوان اقسم بالله انا مش اخوان واثناء ما كانوا فى الحكم كنت بانتقدهم بشراسة }
---------
ثم خلينى اسالك سؤال ؟

انت سمعت من المندس فهل سمعت الرد على ماقاله من الرئيس مرسى ؟؟
و هل سمعت ردود الناس اللى كانوا معاه فى القصر ؟؟
و ليه العسكر مخبيين الناس دى كلها ومحدش عارف يتواصل معاهم ؟؟
وليه بيحطوا الرئيس مرسى فى قفص زجاجى كاتم للصوت فى المحكمة ؟؟
-------------

ثم تعالا ياعم الفلحوس قولى لو حضرتك مكان الرئيس مرسى كنت هاتعمل ايه .....

-------------
-- طبعا اول حاجه هاتقولها انك هاتستخدم المسار الثورى مش الاصلاحى .....

- هارد عليك واقولك وهو الرئيس لما اقال طنطاوى وعنان مش كان بيستخدم المسار الثورى ؟
- واقالتة للنائب العام الحرامى مش مسار ثورى بردو ؟؟ بس افتكر ساعتها ان حضرتك وقفت ضده وقولت لااااا مساس بالقضاء الشامخ ولازم عبدالمجيد محمود يرجع ولا حضرتك نسيت ؟؟
- ثم مين فى نظرك اللى كان هيساعد مرسى فى التطهير الثورى الجيش ولا الشرطه ولا القضاء ولا الاعلام واللى كلهم كانوا بيتآمروا عليه ؟؟

--------------

-- هاتقولى كان يقدر يصارح الشعب ويقول ان ايدى متكتفه ؟؟

هاقولك عندك حق بس ساعتها عارف ايه اللى كان هايحصل كان العسكر هايتهموا مرسى انهم بيهدم مؤسسات الدولة والاعلام المصرى هايهيج المواشى اللى بتسمعه ضد مرسى وساعتها هاينزلوهم الشارع زى ما حاصروا الاتحاديه يوم الاعلان الدستورى وطبعا كانت هاتبقى مجازر فى الشوارع بين انصار مرسى ومغيبين الاعلام وعندها كان الجيش هاينقلب على مرسى مبكرا بحجة منع الحرب الاهليه بس الفرق بقى ساعتها ان الدم كان هايبقى للركب عارف ليه سيادتك ؟
لان الشعب ساعتها كان هايبقى بيدبح فى بعضه فى الشوارع والجيش كمان بيدبح فى انصار مرسى اللى هايتقال عليهم طبعا انهم ارهابيين زى ما بيتقال دلوقتى فهمت ولا اقول كمان ؟؟

-----------------------
هاتقولى كان المفروض مرسي يشكل قوة من الشعب تساعده على #التطهير زى #الحرس_الثوري ؟؟

هارد عليك وافكرك باحد بنود دستور 2012 اللى اصر على وضعها العسكر واللى بتقول ان الجيش والشرطه هما المسئولين عن الامن والامان ولا يجوز تشكيل اى قوة موازية ليهم ....يعنى يافكيك الراجل اللى رد على مهند فى فيلم المندس وقاله ان البحث عن البلطجية مهمة الشرطه ..

مش راجل اهبل ولا برياله لانه عارف كويس الفخ اللى كان العسكر مستنين الاخوان انهم يقعوا فيه وهو انهم يشيلوا السلاح او يتدخلوا فى اى عمل جنائى او مباحثى او مخابراتى علشان العسكر يقعد ينوح ساعتها فى الاعلام القذر ويقول ان الاخوان عندهم اجهزة تجسس او بيشيلوا السلاح ويقولوا ان ده مخالف لدستور 2012 وكل الدساتير السابقه عليه وكانوا بردو هاينقلبوا على مرسى مبكرا وكان السحل والقتل لكل انصارة فى الشوارع هايبقى بمئات الالاف بحجة انهم شايلين سلاح ولا نسيت بشار الاسد اللى كان بيرمى السلاح للمعارضه بالطيارات علشان يقول للعالم ان فى ارهاب فى سوريا ؟؟

-------------------------

- وطبعا هاتتريق على مرسى وتقول انه فى الخطاب قبل الاخير قال ان عندنا فى القوات المسلحه رجاله زى الدهب وكان عارف انهم هاينقلبوا عليه ؟؟

- هاقولك هل انت كنت قاعد فى القصر مع #مرسى وعارف ايه اللى بيحصل ؟؟
ما يمكن يكون كان له فعلا رجاله موالين له فى الجيش ؟؟
ويمكن كان فى الخطاب ده اشارة ليهم للتحرك ضد السيسى لكنهم اعتقلوا ؟؟
ولا حضرتك ماوصلش ليك معلومة ان مرسى عرض على احمد وضفى منصب وزير الدفاع واحمد وصفى طلع #عرص و باع مرسى وبلغ السيسى ؟؟
وبعدين تعالا هنا مش السيسى بلسانه قال انى اصدرت تعليمات لكل قادة القوات المسلحه من يوم 23 يونيو بعدم تلقى اى اتصالات من القصر الجمهورى ؟؟
وهل ده مش معناه فى نظرك ان مرسى كان بيتحرك فعلا للانقضاض على السيسى لكن خونة العسكر حاصروا تحركاته ؟؟

-------------------------

- هاتقولى طيب والدم اللى أريق ولسه بيراق فى الشوارع الى الان ؟؟

- هاقولك ان مرسى اختار ان اول دم يراق هو دمه لما رفض انه يتنحى ولما رفض ان الحرس الجمهورى يدافع عنه ثم دم اولاده واسرته لانه عارف ان العسكر هايهددوه بقتل اولاده واسرته ثم دماء ابناء قيادات جماعته زى بنت البلتاجى وابن المرشد ثم دماء اعضاء جماعة الاخوان المسلمين اللى اتقتلوا واتحرقوا واتشالت جثثهم بالجرفات واترمت فى الزباله واعتقلت كل قياداتهم والدليل ان ثلثى المعتقلين فى السجون اللى بيقدروا ب 41 الف معتقل من الاخوان المسلمين ...
وأخيرا’’مفيش ثورة بتنجح بدون #تضيحات واقرا التاريخ كويس وانت هاتعرف .....

وذى ما #الجوادى قال لو كان اى حد تانى مكان مرسى فى #الرئاسه مكنش قدر يقعد فى الحكم 3 ايام بس مش سنه كامله ....

--------------------

ثم ياسيدى الفاضل بالرغم من كل ما نعانية من الانقلاب ومخاطره الا انه فى نظرى نعمة كبيرة من الله ليميز بها الخبيث من الطيب ولتسقط الاقنعه ولينفضح حكم العسكر لعوام الشعب المصرى واكرر عليك ما قلته من اول يوم للانقلاب ان كل يوم يمر علينا هو فى صالح الثورة وضد الانقلاب واظن بعد ما كلنا شوفنا فضيحة انعدام الاقبال على انتخابات الرئاسة الهزليه عرفنا أن فعلا الناس بدأت تفوق وتفهم اللى بيحصل كويس ...

-----------------

هاااا ؟؟ لسه عندك اى حاجه عاوز تهاجم بيها الراجل المسجون الثابت الصامد اللى لو كان عاوز يبقى مليادير ويعيش فى اجمل بقاع الدنيا كان زمانه هناك بكلمة واحدة من لسانه ؟؟

واللى لو كان اتنازل عن #الشرعيه كان زمان الثورة ماتت رسميا وكانت توقفت المظاهرات فى الشوارع وكانت الطوابير هاتبقى فعلا بالملايين قدام لجان انتخابات السيسى !!! ....
-----------------

وبعدين ياسيدى الفاضل استحى وقدر على الاقل ان الراجل مش قادر يرد عن نفسه واستنى لما يطلع ان شاء الله وأبقى هاجمه براحتك علشان يقدر يدافع عن نفسه ويقول ازاى كانت ايديه متكتفه وليه مصارحش الناس وساعتها انا اول واحد هايهجمه معاك ..

-------------------

انا لا انكر ان الرئيس الشرعى الدكتور محمد مرسى له اخطاء فهو بشر وكل بنى ادم خطاء .....

ولكن من ادراك ان ما قدره الله لنا وما نحن فيه الان ما هو الا اخف الاضرار التى كان من الممكن ان تحدث ؟؟

ومن ادراك ان الله ما قدر هذا الانقلاب الا ليطهر مصر وجيشها من الفسده والخونه وليجهزها لما فيه خير البلاد والعباد ...

اخيرا باعتذر على الاطاله وارجو من الجميع نشر هذا المقال على اوسع نطاق لنرد غيبة #رئيسنا الشرعى فك اسره هو وكل المعتقلين وثبتنا واياه على الحق ....

--------------------------------------------------
تابع فارس السلمية و Fares El Selmeya لتصلك كتاباتى مباشرة

#سودا_يابلدي
#ارحل_ياعرص
#هنشعلقك_ياسيسي
#اللى_صباعه_بمبي_مايجيش_جنبي
#انتخابات_الدم
#كملوا_المسرحية
#انتخابات_العسكر
#احنا_جيل_وانتو_جيل
#مصر_لها_رئيس
#أنا_مقاطع
#ضدك
#قاطع_رئاسة_الدم
#العرس_الديموقراطي
#مقاطع
#تحيا_مصر_بدون_العرص
#ارحل_ياسيسي