لاقيناه مشغل قرآن فى العربية .

الصحفية شهد

عادل رجب
كنت فى القاهرة اليوم .. وأثناء عودتى وعند مدخل طنطا تحديدا لاقيت الطريق واقف تماما وفيه ناس كتير متجمعه حول سيارة فيات ...
نزلت وسالت واحد : إيه الموضوع ؟
قالى : واحد إخوانى ضرب واحد بالعربية دى وهرب وساب العربية !
قولتله : لاحول ولاقوة الا بالله .. والاخ اللى انضرب حصله حاجة ؟
قالى : لا .. اصيب ونقلوه المستشفى من شويه .
قولتله : الحمد لله .. لكن قولى : انتو عرفتوا إزاى إن صاحب العربية إخوانى ؟
قالى : لاقيناه مشغل قرآن فى العربية .
قولتله : مشغل قرآآآآآآآن ؟؟؟ الناس دى فُجرت .. قرآآآآآن مرة واحدة ؟؟
ومشيت بخبط كف على كف
وبقول : الناس دى لازم تقف عند حدها .. النهارده مشغلين قرآن .. مش بعيد بكره يقرأوا القرآن .. ماهى ظاطت بقا ..!!
آه وربنا ... زمبؤلكو كده
حسبنا الله ونعم الوكيل


تعليق : 
مادام بيسجن الطفل اللي معاه مسطره عليها رسم شعار رابعة ويتسجن المسيحي ويتعذب ويتهم انه اخواني رغم وجود الصليب ومادام يطلق سراح الراقصة رغم تحرير محضر ضدها ويتسجن الصحفي بتهمة حيازة كاميرا يبقي ممكن يطارد السيسي الحيوان اللي موجود في الحديقة بتهمة انه مسمي نفسه سيسي !!!