سيب العقل بلاش تفكير
لما القائد يصبح سيسي
يبقى بقيت الشعب حمير
عمرك شوفت حمار بيفكر
و يتعب نفسه من التفكير
عارف انك ناوى تقولى
ستين سنة فى الحكم كتير
شوف الهند و شوف الصين
عدّوا الفقر وشافوا النور
واحنا ف ظل الحكم الميرى
لسه بنشحت ياهل الخير
برضو هرد واقولك تانى
عمرك شوفت حمار بيفكر
و يتعب نفسه من التفكير
عارف انك ناوى تقولى
انى مريض مش لاقى علاج
واللى مرضنى لسة بيحكم
نظام جمهورى ولابس تاج
وان دوايا يغوروا ويمشوا
وانا مش باسعى للتغيير
برضو هرد واقولك تانى
عمرك شوفت حمار بيفكر
و يتعب نفسه من التفكير
عارف انك ناوى تقولى
سرقوا ارادتك فى التغيير
سجنوا الناجح فى الصندوق
وجابوا الساقط يبقى وزير
وفى الاستفتا النسوان ترقص
احنا عاجبنا وشعبنا راضى بالتزوير
وارجع ارد واقولك تانى
عمرك شوفت حمار بيفكر
و يتعب نفسه من التفكير
حاشر نفسك ياخى بزيادة
بين الشعب وبين العسكر
شعبنا غاوى لحس بيادة
شعبنا يمرض لو هيفكر
يوم فى النهضة وفى التنوير
قلت اااااااه .... يا ولاد الكلب
انتم شعب .. واحنا اكيد فعلا شعب
احنا مصر اللى بتتحرر
احنا نسيمها اللى بيتعطر
وانتو خرابها اللى بيستعجل
مش من مصر وجاى يتمصر
و المرادى انا اللى هقولك
: عمرك شوفت حمار بيفكر
و يتعب نفسه من التفكير
لما القائد يصبح سيسي
يبقى أكيد الشعب حمير
يبقى اكيد الشعب حمير ؟!!!
"""""""""""""""""""""""""""""
الشاعر السكندرى ياسر البندارى
ليست هناك تعليقات:
إرسال تعليق