الخميس، 20 مارس 2014

احمد الصارم اوعوا الرصاص يهز ايد بالحق مرفوعه اثبتوا

احمد الصارم
March 18
صوت المطر نازل هناك
سمعه بيدعي لربنا
نازل يسلم ع الدموع
يحضن معانا حلمنا
وسط الهتاف صوت من بعيد
عمال بيصرخ اهتفوا
اوعوا الرصاص يهز ايد
بالحق مرفوعه اثبتوا
يا شعب داق الظلم كاس
وكل خاين علينا داس
كسر حدود الخوف وقوم
الحق اقوي من الرصاص
شفت الفقير شايل رغيف
وجمبه ست بتسنده
والطفل يهتف فوق كتاف
ابوه وكله يرددوا
خلينا ايد واحدة لمره
الظلم نفسه مش طويل
واللي ابتدي طريق ضروري
يكمله لو الف ميل
احمد الصارم
مرسلة بواسطة في

ليست هناك تعليقات:

إرسال تعليق

الاشتراك في: تعليقات الرسالة (Atom)