شهادة أحد الطالبات عن ما حدث اليوم:
ملخص اللي حصل :
كنا راجعين من الجامعه وراكبين اتوبيس نقل عام كنا بنات كتير من الجامعه
وكان في بنت واقفه عالباب ماسكه في ايدها كوفية رابعه .. فجأه وقفنا ظابط
جيش قريب من رابعه في وسط الطريق كلم السواق وبعدين السواق مشي بالاتوبيس
وهو مشي ورانا بعربيته وقفلوا باب الاتوبيس ورجعنا تاني عدينا الجامعه
ورحنا عند المنصه وقفونا عند كمين طلع حوالي 3 عساكر وقفوا معانا وكلمونا
بذوق وواحد منهم قاللنا اللي معاه اشارات رابعه يطلعها بالراحه وهمشيكوا
بدل ما اخدكوا كلكوا فجأه لقينا 4 لابسين مدني ومنفوخين شكلهم أمن دوله
طلعولنا وواحد منهم قال للمجند انت بتتكلم بالذوق ليه دول ولاد
@#$$%&^& وقعد يشتم بنت قالتله حرام عليك احنا زي اخواتك قاللها
انا اخواتي مش سفله زيكوا وبيروحوا الجامعه يتعلموا !!
في بنت طلعتله اشارة رابعه من شنطتها وبتقوله دي مضايقاك في ايه قاللها انزليلي يا بنت #%^& وانا اقولك مضايقاني في ايه !!
بنت تانيه اسمها ضحي صورته بالموبايل شتمها وخده منها !
البنات قعدت ترتعش وتعيط الحيوانات عبيد السيسي قعدوا يشاوروا علي بنات
للظابط ويقولوله دول بيركبوا معانا كل يوم وتبع رابعه والظابط زعقلنا وقال
ده قانون طوارئ واقدر اخد الاتوبيس كله !
فجأه اتقفل الاتوبيس ورحنا
قسم أول مدينة نصر بكل اللي فيه حتي العبيد وصلنا القسم لقينا قوات خاصه
ومدرعات طلعوا فتشوا شنطنا كلنا بأسلوب قذر ورمولنا الكتب عالأرض الظابط
اللي كان بيتكلم معانا بذوق بدأ يتكلم معانا بقلة أدب وبعدها بشويه بدأنا
نعيط وفي بنات أغمي عليها وقعدت ترتعش وحيوانات السيسي بيشتمونا !
شويه
والظابط بدأ يشاور للمجند اللي عالباب وقالله اللي هشاورلك عليهم مشيهم
وشاور علي بتوع السيسي الاول طبعاً وبعدين البنات اللي معانا في الجامعه
اللي لابسين بنطلونات وحاطين ميك-أب كلهم نزلوا وبعدين شاور عليا انا وكام
بنت عشان مش منتقبات ونزلونا انا بقيت متردده ارجعلهم الاتوبيس ومسيبهمش
ولا امشي وقفت بعيد بعدها بشويه شفتهم منزلين حوالي من 10 لـ 12 بنت
ودخلوهم القسم والاتوبيس مشي شويه وقف علي جنب وخدوا السواق والكمسري !
مشيت بعدها وعرفت انهم طلعوا 6 بنات عشان اغمي عليهم والـ 6 الباقيين اتعملهم محضر دلوقتي وفي الحبس هيتعرضوا بكره عالنيابه !!
حسبي_الله_وكفي
بهدلونا
اللهم انتقم
ليست هناك تعليقات:
إرسال تعليق