كيفية التعامل مع القنبلة بعد مسكها ؟ حسب اتجاه الهواء و حسب مسافتك من الداخلية

ازاى تكون مسيرة كاملة عاجزة عن مواجهة الغاز ؟؟
ازاى الغاز يتحدف الناس تجرى ؟؟

الحل فى المنقذين
الحل فى صائدى القنابل


البوست الكامل عن صائدى القنابل :

رأينا أبطال جامعة القاهرة و هم يتعاملون مع قنابل الغاز لدرجة انهم بقوا متساوين مع الشرطة فى استخدام القنابل
حتى لو الداخلية حدفت اربع قنابل فى نفس الوقت يتم ردها جميعا على الداخلية مما يجبر الداخلية على الوقوف و عدم استطاعة التقدم

التعريف : أول ما قنبلة غاز الداخلية تحدفها أغلب الناس بتجرى تبعد ، لكن فى مجموعة من الأبطال قلبهم قلب أسد بيجروا على القنابل يمسكوها يحدفوها تانى على الداخلية او يتعاملوا معاها

الهدف : تخيل لو معاك سلاح قاذف قنابل الغاز و معاك قنابل كتير
اكيد هيساعدك جدا ضد الداخلية
هؤلاء الشباب باستخدام ايديهم فقط يقومون بهذا الدور
احيانا دور دفاعى انهم يقللوا تأثير الغاز على المسيرة او دور هجومى انهم يحدفوها على الداخلية

كيف يفعلون ذلك ؟
التوجه للقنبلة عكس اتجاه الهواء
يعنى لو الهوا يمين و الغاز كله طالع اتجاه اليمين بيقرب عليها من اتجاه اليسار بعد ما يكتم نفسه يمسكها و يتعامل معها

كيفية التعامل مع القنبلة بعد مسكها ؟
حسب اتجاه الهواء و حسب مسافتك من الداخلية ، لو قريب افضل تحدفها على الداخلية

لو بعيد تتعامل معاها بإحدى الطرق :
-تغطسها فى جردل مياه و تقفل الجردل بأى حاجة
-تحدفها داخل لهب نار مشتعلة
-تحدفها فى اى اتجاه بعيد عن المسيرة فى اتجاه الهواء عشان الغاز ميرجعش على المسيرة يعنى تحدفها فى خرابة جوا جنينة جوا مدرسة فاضية كدا

نصائح هامة :
-عدم مسكها باليد مباشرة عشان بتبقى سخنة جدا
-تجنب استنشاق الدخان الأبيض عشان هتدوخ مش هتعرف تكمل ، لازم تكتم نفسك
-حاول ترى القنبلة بعينك قبل التوجه و مسكها
-لا تحملها فترة طويلة بتسخن قوى ممكن تحرق حتى الجوانتى
-حاول متحدفش طوب او كدا عشان تكون متفرغ فقط للقنابل
-ريح كام دقيقة بعد كل قنبلة عشان متتعبش
-متجريش كتير بالقنبلة عشان ساعات بتخلص
-حتى لو 4 قنابل اتحدفوا فى نفس الوقت اعمل اللى عليك و استهدف واحدة منهم اتعامل معاها
-مترميش القنبلة جهة الداخلية لو فى ناس تبعنا قدام بيرموا طوب ﻷن كدا هيتبهدلوا ارميها ساعتها اى جهة
-لو نويت انك تمسك قنبلة لا تتراجع ابدا ﻷن فى ناس بتروح عليها بعد كدا بتسيبها و بقية الصيادين بيبقوا سابوهاله فالقنبلة بتتساب على الأرض
-لو قنبلة واحدة اتسابت على الأرض هتأثر على الناس بشكل فظيع

كيف تصبح واحد منهم ؟

اشترى جوانتى safety من اى محل أمن صناعى(موجود بكثرة فى شارع الجمهورية فى رمسيس)او اى مكان اخر او حتى جوانتيين من بيتك او شرابين تقال على بعض

تنزل اى مسيرة بالجوانتى تحسبا

مش متخيل ازاى شاب بينزل مسيرات و ضرب و يكون عاجز امام القنبلة ؟؟

خد المبادرة ، شرفك فى فرديتك
و كن واحد من صائدى القنابل