إيه يعنى لما تلاقى 7 جثث مفصولي الرأس فى رفح .. المهم مانبقاش زي سوريا والعراق

وإيه يعنى لما يروح 11 جندى وضابط نقيب فى تفجير مدرعة بلغم أرضى .. المهم مانبقاش سوريا

وإيه يعنى لما يموت 9 فى تدافع أهالى مايعدوش 1000 بنى آدم .. المهم مانبقاش زي سوريا والعراق

وإيه يعنى لما تنتهك جثث الموتى من امناء شرطة .. المهم مانبقاش زي سوريا والعراق

وإيه يعنى لما تغتصب بنت معاقه داخل قسم شرطه من أمين شرطه .. المهم مانبقاش زي سوريا والعراق

وإيه يعنى لما ظابط يقتل خال عروسة أتقدملها ورفضوه .. المهم مانبقاش زي سوريا والعراق

وإيه يعنى لما المرضى يموتوا ف المستشفيات عشان مافيش كهربا .. المهم مانبقاش زي سوريا والعراق

وإيه يعنى مافيش مياه والكهربا بتقطع نص اليوم وفواتيرهم زادت الضعف .. المهم مانبقاش زي سوريا والعراق

وإيه يعنى مافيش حريه مافيش كرامه مافيش عيش مافيش عدل .. المهم مانبقاش زي سوريا والعراق

* ملحوظه : كل الحوادث السابقه حدثت ف آخر 5 أيام فقط