في يوم من الأيام بعد إسقاط الإنقلاب ......
مش هنتباهي تاني بتاريخنا لأن حاضرنا هيبقي كله حرية وكرامة
السائح بعد كده مش هيجي يشوف الأهرامات وقناع توت عنخ أمون ... السائح بعد
كده هيجي يزور إشارة رابعة العدوية اللي علمت العالم كله يعني ايه ناس عزل
شباب وبنات وشيوخ واطفال وقفوا بكل كرامة وعزة وماتوا أمام الرشاشات
السائح هيسمع حكايا الشباب اللي وقفوا أمام المدرعات بصدره العاري يقول
سلمية وهو عارف انه غالبا هيموت ... لكن مش فارقة معاه لانه متأكد ان موته
سيحيي أمة كاملة
السائح بعد كده هيمشي في كل شوارع مصر ويزور كل الأماكن اللي روتها دماء الشهداء
هنحتاج حوائط كتيرة للجرافيتي ... لأن الشهداء كتير من أول مصطفي الصاوي وسيد بلال وجمال عفت وصولا لحبيبة وأسماء وهالة
احنا اللي هنخلي مصر في يوم من الأيام جنة نعيش فيها والناس هتعرف معني
الحرية اللي هي أغلي من الحياة .... فقط مزيدا من الصبر والثبات والله
سيرزقنا فرحة تدمع لها اعيننا
ليست هناك تعليقات:
إرسال تعليق