الاعتداء على شاب فضح فسادًا بـ2 مليار جنيه لحكومة الانقلاب
الشاب الضحية
31/10/2015
نشر عدد من النشطاء، اليوم السبت، قصة
لأحد الشباب الذين ظهروا على قناة "أون تي في" المؤيدة للانقلاب، مع
الإعلامية ليليان داوود، وكشف واقعة فساد ضخمة داخل إحدى الوزارات تقدر
بنحو 2 مليار جنيه.
ولفت راوي القصة إلى أن الشاب المذكور تقدم
بالمستندات للنائب العام - وقبلها تلقى تهديدات - وعقب تقديمه المستندات
بساعات أطلقت عليه ثلاث رصاصات من مجهولين وهو يرقد الآن بين الحياة والموت
"بحسب قول الراوي" .
وقال وليد إسماعيل - ناشر القصة التي تم
تداولها على نطاق واسع - في تدوينة: إلى عبد الفتاح السيسى قائد الانقلاب
إلى وزير الداخلية مجدى عبد الغفار من يومين كان فى برنامج اسمه الصورة
الكاملة بتقدمه المذيعة ليليان داوود .. المهم كانت مستضيفه محامى شاب اسمه
احمد جاد معاه مستندات ومحاضر كشف بيها عن فساد داخل وزارة التموين وكشف
عن سرقة (مليار و700 مليون جنيه مصرى) وكل المستندات اللى معاه سليمه
والاتهامات واصلة لحد وزير التموين نفسه وقال انه تعرض لتهديدات بالقتل من
مجهولين وده اللى خلاه يتوجه للنائب العام وعرض عليه كل ملفات الفساد اللى
هو اشتغل عليها .. وطبعا اثناء الحلقة فى مسؤلين اتصلوا وشكروه وقالوله
السيسي بيحارب الفساد وانت نموذج مشرف والكلام الجميل ده ... خلصت الحلقة
وخرج المحامى الشاب المحترم من بوابة مدينة الانتاج الاعلامى .. اتضرب عليه
نااااار واخد 3 رصاصات فى جسمه وهو حاﻻ فى المستشفى بين الحياة والموت..
مين اللى ضربه بالنار؟ مين اللى هيجيب له حقه لو مات؟ طب بلاش كل ده ..
المستندات كلها حاﻻ فى مكتب النائب العام .. هل هنسمع قريب عن اقالة وزير
التموين ومحاسبة اللى سرقوا؟؟ يا سيادة الرئيس .. الشاب ده لو مات ذنبه فى
رقبتك انت .. انت قلت ﻻزم نحارب الفساد وده شاب نضيف وكان عايز يحارب
الفساد زى ما قلت .. هتعرف تجيبله حقه ياريس؟؟ الموضوع سهل
جدااااااااااااااااااا كل المستندات فى مكتب النائب العام يعنى ملكش حجة يا
ريس "بحسب روايته" .
ليست هناك تعليقات:
إرسال تعليق